:: :: Velkominn :: ::

:: fimmtudagur, mars 31, 2005 ::

::.Pælingar í gangi


Já það voru miklar vangaveltur hjá mér þessa daganna. Ég veit ekkert afhverju ég er að spá í þessu en hvað um það ég er náttúrulega svo rosalega steiktur að ég varð bara að deila þessu með ykkur öllum. Ég ætla punkta nokkur atriði sem ég var að spá í um daginn :

• Spá í því að heita Svala. Okey þetta er kannski rosalega fallegt nafn en hvað um það, ég var allavega að spá ef hún væri svöl þá væri hún kölluð Svala svala ....hvað ef henni væri boðið uppá Svala (djúsinn) þá myndi maður kalla á hana : Svala svala, viltu svala Svala svala :-D hahaha....ég gat ekki hætt að hlægja þegar ég var að segja þetta upp hátt....maður verður eitthvað svo ruglaður. Svo ef hún ætti kærasta sem mundi heita Svali og ef hann væri líka jafn svalur og Svala svala þá myndi maður segja: Svala svala, viltu svala Svalva svala frá Svala svala.
• Okey nóg um hana Svölu í bili. Nú ætla ég að velta því fyrir mér ef maður mundi heita Vera. Ekki nóg að Vera heitir Vera þá er hún mannvera kannski geimvera. Svo er hægt að segja svo margt....t.d. Láttu þetta vera Vera vera.......Vera vera ertu nokkuð geimvera.....Hvað þykistu vera Vera vera....Hvað ætli sé um að vera Vera vera!!! Já það er allavega hægt að nefna helvíti margt og hlægja aðeins í leiðinni.

Já en nóg um þessar blessuðu pælingar mínar því ég er svo steikur að hálfa væri nóg. Ég var í Skalla áðan að fá mér að éta og vitir menn að ég átti mér 120 krónur í vasanum og ég henti þesu bara í spilakassann.....og já lesandi góður ég vann að sjálfsögðu eins og alltaf held ég!! Ég vann svo mikið sem ein heilan 5.000 krónur :-D maður var illilega sáttur með það.....

En nú stendur til hjá mér og Rikka vini mínum að fara á djammið um helgina. Helgi er búinn að segjast að hann ætli að joina okkur á djammið. Við ætlum að drekka okkur helölvaða á laugardaginn og þar með kíkja í bæinn. Ég og Rikki ætlum að hittast heima hjá honum væntanlega ásamt einhverjum öðrum. Ég vildi koma því hér á framfæri að Rikki er kominn með nýja konu og heitir hún svo mikið sem Valdís og það er líka vinkona mín, og vil ég óska þeim góðs gengis í þessu sambandi hvernig sem það fer.....þið eruð æðibitar!!

Það er búið að vera mikið um bíó þessa daganna en ég og allt staffið á Torvaldssen erum búinn að fara í bíó á stuttu millibili og stendur nú að fara eitthvað útí sveitabíli þar sem pabbi hennar Sollu á og þar er víst eitthvað heavy flott að vera....heiti potta, nuddpottar, fjórhjól og læti. Þannig að það verður farið bráðlega þegar veður leyfir. En ég er ýkt ánægður að vera vinna ennþá á Torvaldssen því ég fékk vinnuna mína aftur eftir þennan mikla misskilning sem ég nenni ekki að fara útí. Það eru nefnilega allir svo frábærir sem eru að vinna þarna.

Kveðja GummOn

:: Gummi Jónss fimmtudagur, mars 31, 2005 [+] :: |
...

::.Ásgeir Kolbeins hvað!!!


Sæl veriði gott fólkið. Já ég veit að það er langt síðan að ég bloggaði síðast en ég er þó að blogga núna og ekki halda að ég sé geðveikur. Því klukkan er akkurat 7:15 og það er kominn nýr dagur.....laugardagur!! Ég var að vinna áðan og var bara að skutla tveimur vinkonum mínum. Ég skutlaði henni Jenný heim því hún var víst hjá vinkonu sinni sem var með einhverjum gaur og þau voru að fara að ríða. Ég bjargaði henni frá þeim og skutlaði henni heim. Svo heyrði ég í henni Lilju vinkonu minni og hún var föst með einhverjum gaur heima hjá sér. Ég fór til hennar og tók hana aðeins í smá rúnt og bjargaði henni líka frá einhverjum gaur. Það má eiginlega segja að ég hafi verið bjargvættur kvöldsins :-D En nóg um það.....ég er að fara vinna í kvöld og líka á Sunnudaginn. Ég reyndar hef bara gott af því, því ég ætla að fara í áfengisbindindi. Því núna síðustu þrjú skiptin sem ég er búinn að vera drekka þá er ég búinn að vera svo ógeðslega veikur að mér hefur langað að drepa mig þegar ég vakna, þetta er ekkert eðlilegt!!


En já ég verð að tala um Árshátíðina sem ég fór í gær, eða á fimmtudaginn hjá Sólon, Torvaldssen og Viktor. Hún var haldin á Hótel Selfoss fyrir þá sem ekki vita. Ég náði í hann Ívar vin minn og við fengum okkur að éta á KFC. Svo náðum við í strák senm heitir Viktor og brunuðum til Selfoss. Ég og Ívar vorum saman í herbergi og við byrjuðum að djúsa strax þegar við vorum komnir í herbergi. Svo klæddum við okkur eftir 6 bjóra og ég leigði mér smóking og var helvíti fínn í taujinu. Það var helvíti gaman að hitta alla krakkanna og spjalla við fólkið aðeins í glasi. Við fengum okkur fordrykk og drukkum svo Rauð- og Hvítvín því það var í boði. Helga Braga var veislustjóri og stóð hún sig með prýði þetta kvöld og hún var jú bara nokkuð góð. Svo var allskonar happdrætti í gangi og svo kom skyndilega eitthvað myndband á risastórum skjá. Ég vissi ekkert hvað var í gangi en þá kom mynd af Ásgeiri Kolbeins í einhverju stúdíói og þar var hann eitthvað að ræða. Ég man ekkert mikið eftir þessu en hann var eitthvað að tala um mig og eitthvað fyndið. Það voru allir hlæjandi í salnum og mér leið eins og einhverju fífli. Ég fékk mynd af honum í ramma og á myndinni stóð: "Til Gumma frá Ásgeiri". Það var þá verið að gera grín af mér því ég er alltaf svo vel greiddur áður en ég fer í vinnuna, eða eitthvað svoleiðis. Ég fór uppá svið og tók við myndinni hálfkjánalegur og fékk svo tvær geldollur sem ég veit ekkert hvað ég gerði við. En ég er að fara fá þetta myndband á disk á morgun þannig að þið getið fengið að sjá þetta. :-D En svo þegar þetta allt saman var búið, þessi yndislegi matur og drykkirnir....þá komu einhverjir DJ-ar og spiluðu tónlist. Það var nú eitthvað dansað þar og svo farið í herbergispartý. Ég var nú bara í einu herbergi þar sem allt fólkið var. Þetta var herbergið hans Elvars og daginn eftir var víst gólfið allt á floti og brotin glös útum allt. Ég vaknaði alveg grautþunnur og ekki hress þegar Ívar vakti mig. En ég get ný ekki sagt annað en að þessi Árshátíð heppnaðist ýkt vel og var frábær í alla staði....þökk sé Elvari, Guðrúnu og Sollu en þau eru í Árshátíðarnefnd.




Ég fékk svona mynd af honum Ásgeiri og ég víst að hengja hana uppá vegg hjá mér fyrir ofan rúmið mitt heheh......


Ég var um daginn á einhverju flippi hérna á netinu og fór á Google.com og leitaði af öllum nöfnum helstu vina minna í Pictures. Það komu mikið af fyndnum myndum en ég tók bara myndir sem voru á fyrstu síðu, hérna koma myndir sem af öllum strákunum :


























Já það komu ýmsar fyndnar myndir upp og ég hafði alveg gaman að þessu :-D það er spurning hvort ég taki næst allar vinkonur mínar, það gæti orðið skrautlegt.



En já ég held að óheppnin mín fari nú loksins að hætta. Að vísu var ég að fá bréf frá skattinum og ég skulda þeim alveg 40.000 krónur :-S ohhh........ég verð víst að borga það sem fyrst en ég var að vísu ráðinn aftur á Torvaldssen sem er gott mál. Ég ætla að prófa að kaupa mér einn lottómiða á morgun....eða jú á eftir og athuga hvort ég er heppinn. Hver veit nema að ég vinni, það yrði ýkt fyndið!! En ég ætla að fara lúlla núna og ég reyni bara að blogga sem fyrst aftur bráðum......

Kveðja GummOn

:: Gummi Jónss föstudagur, mars 25, 2005 [+] :: |
...

::.Gleðilega Páska allir


Sæl veriði fólkið. Ég vil óska ykkur öllum gleðilegra páska og farsælt komandi.......já páska :-D Ég er búinn að vera veikur undanfarna daga og vera hálf óglatt. Ég held ég viti kannski ástæðuna yfir því að mér er svona óglatt. Það gæti verið því ég er búinn að vera svo hrikalega óheppinn og kannski....jú pínu kærulaus þessa daganna. Ég veit ekkert hvar ég á að byrja :

• Ekki fyrir löngu var brotið spoilerinn af bílnum mínum....
• Það er búið að stela fartölvunni minni....
• Mér var sagt upp af Torvaldssen....
• Allar glósur, heimavinna og annað sem ég átti er farið útaf því að tölvunni minni var stolið....

Ég ætla að telja upp alla heppnina sem ég hef lent í þessa daganna, ég veit í rauninni ekkert hvar ég á að byrja :

• ..................ÉG HEF EKKI VERIÐ NEITT HEPPINN....

Já svona er þetta þegar maður er óheppinn, maður verður reiður og einhvern veginn sár. Ég samt svona fann bara áðan þegar ég kom heim hvað ég var ógeðslega reiður ynnst inní mér og þegar ég hugsaði útí þetta allt saman sem ég hef lent í þessa daganna þá fékk ég svona fiðring um allan líkama minn!! Já það er erfitt að vera til þessa daganna, en ég læt það ekki á mig fá.


Ég hitti Steina um helgina og já ekki má gleyma henni Júlíu þessa æðislegu skemmtilegu, frábæru stelpu :-D hahah....en jú eins og flestir vita þá var ég slappur þessa helgi og tók henni því rólega, ég var ælandi föstudaginn og mér leið ekkert sérlega vel. Svo fór ég til hennar Elínar systur minnar og ég passaði hana Elínu Eir fyrir hana Elínu.....okey, ég veit að þetta var pínu ruglingslegt en systir mín heitir Elín og hún á dóttir sem heitir einmitt Elín Eir. En það var gaman að fá að hitta Steina aðeins því það er jú bara alltaf gaman að hitta þennan kauða.


Ég sit núna hérna fyrir framan tölvuna mína og hugsa með mér hvað það er ógeðslega mikið drasl hérna í herberginu mínu. Ég tek til í herberginu mínu og svo deginum eftir þá er eins og það sé búið að henda sprengju í herbergið mitt og lokað herberginu. Ég veit ekki einu sinni sjálfur afhverju það er svona mikið djöfulsins drasl hérna inni. Ég nenni ekki að taka til.....þannig að, ef þú nennir því ;-) hafðu þá eeeeendilega samband við mig :-D

Kveðja GummOn

:: Gummi Jónss sunnudagur, mars 20, 2005 [+] :: |
...

::.Vel heppnað afmæli Rikka


Ég veit eiginlega ekkert hvort ég eigi að vera bitur eða mjög ánægður þessa daganna. Jú kannski ánægður því það var gaman á laugardeginum og mikið drukkið og þess háttar. En svo lenti ég í því á föstudeginum að ég fór að vinna á Torvaldssen. Allt í lagi með það, en ég þegar ég var búinn að vinna þá fór ég að bílnum mínum og þá var búið að brjóta spoilerinn á bílnum mínum. Vááá hvað ég var reiður, bitur, æstur og mig langaði til að lemja einhvern sem ég sá.....en svo sá ég gamla konu labba framhjá þannig að ég sleppi því að lemja bara einhvern (ég ætla að vona að þú hafir ekki hlegið af þessu). Svo fór ég með bílinn á verkstæði og þetta kostar ekki minna en 30.000 krónur. Ég fór svo á Ingvar Helgasson og athugaði hvað nýr spoiler kostar og hann kostar 60.000 kall.......okey ég ætla bara gleyma þessu.....ég var ekki sáttur!! Svo var ég líka nýbúinn að segja við mömmu mína að ég mætti enganveginn við því að lenda í bílslysi og vera í órétti eða fá hraðasekt því maður er svo blankur þessa daganna, svo þarf þetta að ske. Svo góðu fréttirnar hins vegar er að ég er að fara út 4.ágúst til Benedorm. Ég, Halli, Helgi, Palli og Ívar ætlum að skella okkur og get ég ekki beðið að fara út því þetta verður hreinasta snilld :-D




Það er bara spurning hvort maður fær svona flottan spoiler.....



Á laugardaginn þá var komið að afmælinu hans Rikka míns. Hann var svaka flottur í taujinu og leigði sér kjólföt. Við vorum heima hjá honum Rikka.....ég, Helgi, Andri, Ívar, Andri Dj, Matti og Mikki og okkur var boðið uppá dýrindis mat að hætti mömmu hans Rikka. Svo kom limminn og sótti okkur strákana og við fórum að rúnta og það var mikið sungið. Þá lá leiðinn á Ópus og þar var drukkið mjög mikið og það komu nokkuð margir í þetta afmæli að ég held :-D Rikki var látinn dansa við uppblásni dúkku á Ópus og það var mjög fyndið að sjá. Svo fór maður aðeins á Torvaldssen að hitta staffið. Svo kom hún Valentína og skutlaði mér heim meðan ég lá í skottin hmmm sofandi :-D En þetta var mjög skemmtilegt kvöld og vil ég þakka fyrir mig Rikki minn og til hamingju með það að vera kominn á þrítugs aldurinn :-D




Hérna erum ég og Rikki á góðri stundu í afmælinu.....


Myndir úr afmæli hans Rikka er komið inn....... ----> Afmælið hans Rikka


Ég veit eiginlega ekki hvað var í gangi en það voru teknar 102 myndir og yfirleitt þegar ég fer á djammið með myndavélina þá tek ég svona 6 - 7 myndir yfir allt kvöldið....og þá er ég líka búinn með svona hálfan bjór. Svo þegar ég er kominn í tvo bjóra þá hætti ég bara taka myndir eða ég er búinn að týna myndavélinni eða eyðileggja hana. En ég er sáttur með myndirnar....þótt að það sé svolítið mikið af myndum af okkur strákunum þá er það ekkert verra.


Við í Vatnaliljunum (það er fótboltafélag) erum búnir að gera heimasíðu og þar er hægt að fylgjast með öllum leikjum okkar í sumar og svona. Hún er enn í vinnslu og endilega skoða hana.

www.vatnaliljur.tk

Þekkirðu GummOn sjálfan
	Já ég þekki GummOn
	Nei ég þekki ekki GummOn
	Var bara að koma hérna í fyrsta skipti og veit ekkert hver GummOn er
Free polls from Pollhost.com

Kveðja GummOn

:: Gummi Jónss mánudagur, mars 14, 2005 [+] :: |
...

::.Árshátíðin og Selfoss hnakkar


Ég ætla að byrja þetta blogg á því að segja frá þessu bévítans Árshátíð. Það var ALGJÖR snilld á þessu blessaðri árshátíð og ég get nú ekki sagt annað. Ég, Elvar og Andri byrjuðum heima hjá mér eitthvað um 12 leitið. Við vorum orðnir nokkuð góðir en samt ekki ölvaðir eða Elvaðir eins og ég vill nú oft kalla það. Steffí frænka kom og sótti okkur og þá lá leiðinn uppí skóla. Þar var haldin skemmtun þar sem Helga Braga, Felix úr popppúnkti og Bubbi Morteins og skemmtu okkur. Þetta var jú alveg ágætt en það rann einhvern veginn alveg af manni. Svo var komið að þessu happdrætti og það var kallað eitthvað númer og m leið vaknaði Andri alveg steiktur og þá var númerið hans kallað upp. Hann stóð upp eitthvað ýkt steikur og sagði ýkt rólegur: ,,Ertu ekki að grínast"!! Þá vann homminn fokking utanlandsferð til London frítt. Jæja geri aðrir betur.

Svo var farið í rútu og þar var sungið mikið og drukkið. Þegar við vorum loksins kominn á Selfoss þá var innritað sig strax inn og ég og Elvar fórum beint í herbergið og fórum að drekka. Ég held hreinlega að við vorum orðnir góðir. Ég hitti hann Andra og við fórum til Snorra og félaga að drekka þar. Ég veit ekkert afhverju við vorum þar og hvernig við fundum herbergið þeirra en allavega þá vorum við þar að drekka og fengum okkur Jörgen......uuu JÁ, þú lesandi góður ert væntanlega að spá í hvað Jörgen er....en það er svona trekt sem þú drekkur úr og ert bara í 5 sek að drekka ein heilan bjór. En svo þegar leið á kvöldið þá var farið í sturtu og klætt sig. Ég og Elvar opnuðum okkur Kampavín og drukkum, að vísu drakk ég ekkert mikið svoleiðis því það var bara ÓGEÐslega vont hahaha :-D En já svo fórum við bara aftur til hans Snorra og héldum áfram að drekka Andri kom inn með stjörnuljós og kveikti á stjörnuljósunum og það kom ýkt mikill reykur og brunavarnarkerfið fór í gang og gæslukarlarnir komu strax inn í herbergið og hótuðu að reka okkur af hótelinu. En ég man ekkert hvernig við náðum að redda okkur útur þessu öllu saman því engum var hent út.



Ég og Kristján Ari hressir nýkomnir inní herbergi og erum að fá okkur kampavín....



Svo var komið að þessum blessaða mat. Ég man ekkert hvar ég sat því ég var gjörsamlega útur heiminum. Við átum eitthvað kjöt og einhvern búðing, svo man ég að við fórum á öll borð og átum af öðrum diskum og drukkum allt vatn sem við sáum á borðunum. Við vorum algjörlega útur heiminum....eða ég, Andri og Elvar að mig minnir.....hahaha ég get ekkert verið að tala um þetta því ég man voða lítið eftir þessa blessaða kvöldi. En allavega svo var farið í herbergin og fengið sér meira að drekka og svo á ballið og dansað. Svo bara þegar klukkan var orðin alltof snemma þá vildi ég eiginlega bara fara að sofa....ég veit ekki afhverju en mér leið alveg hrikalega illa. Ég fékk að lúlla hjá Steffí þessa nótt sem var alveg frábært og vil ég þakka henni fyrir það (já ég veit hvað þú ert að fara hugsa.....hmm ég fékk mér ekkert að ríða, ég og Steffí erum nefnilega frændsystkyni). Svo gat ég bara ekkert sofið þessa nótt því ég fékk greinilega einhverja víneitrun og hef ég aldrei verið jafn veikur í mínu lífi. Ég ætla ekkert að fara nánar útí það....bara ef þú hefur fengið víneitrun þá veistu hvað ég er að meina. En samt sem áður var þetta frábær dagur og alltaf gaman að djamma með öllu þessu fólki í FB, yndislegir krakkar alveg.



Andri hérna í bleiku skyrtunni sinni í góðum fýling á dansgólfinu...


Já eftir þessa blessuðu árshátíð þá fór ég útaf hótelinu með henni Steffí beint heim til hennar Önnu Bjarkar sem er líka frænka mín. Ég fór beint í rúmið og svaf og svaf....veit ekki hvað lengi en ég svaf alla þessa helvítis víneitrun úr mér. Svo þegar fór að líða að þessu kvöldi þá hélt hún Anna Björk smá teiti heima hjá sér meðan ég og Steffí vorum inní hjónaherberginu að horfa á Ædolið. Ég opnaði mér bjór og ætlaði að reyna afrétta þessa helvítis þvinku. Það gekk jú mjög vel og kláraði ég heila kippu. Svo var haldið á eitthvað FSU ball sem var jú alveg ágætt, ég og Steffí hefðum viljað samt vera betur stemmd fyrir þetta ball en jú þetta var fínt. Svo var maður kominn heim um 3:00 eða til Önnu Bjarkar og ég gisti hjá henni.


Ég verð að segja aðeins frá þessari Selfoss menningu eins og ég upplifði hana. Þegar maður fer til Selfoss þá er eins og að við séum kominn í Afríku eða eitthvað. Jú það skírir sig þannig að við erum kominn í einhverja ALLT aðra menningu, það eru svo mikið af hnökkum sem er kannski ekkert slæmt en það eiga allir einhverja breytta Hondu Civic eða Subaru Imprezu, já eða bara einhvernveginn bíl sem verður bara að vera breyttur + neónljós + bassakeila + kítt + stór spoiler og allskonar. Þetta var sorglegt að sjá...og ekki nóg með það að það voru flest allir gaurarnir að reykspóla þarna fyrir utan ballið og keyra í hringi og eitthvað fyndið....



::.Langar þig í teiti ársins

Já þú lesandi góður getur komið í teiti ársins ef þér langar að koma. Það verður alveg hreint risapartý á Club Opus laugardaginn 12.mars í tilefni að FM-Hnakkinn Rikki G (vinur minn) er að halda upp á 20ára afmælið. Það verður allt fljótandi í áfengi.....bæði ÖL og bolla svo verður leyniDJ á staðnum. Partýið hefst á slaginu 21:00 og það verður 18ára aldurstakmark.



Endilega láttu sjá þig því það verður endalaus skemmtun, því get ég lofað....!!!



Á laugardaginn gerði ég ekkert mikið eða jú ég fór í afmæli hjá Herdísi og Ingvari. Mér fannst það svosem ágætt en pínu misheppnað afmæli. Ekki mikið um frían bjór og þegar ég var kominn var bollan búinn. Helgi var gaurinn sem ætlaði svo mikið á fyllerí og djamma með okkur strákunum, en vitir menn.....hann var fyrstur heim með kellingu sinni eitthvað um 1 leitið. Ég og Andri tókum þetta ágætlega en fórum svo út og hittum á Árna nokkurn Long og Magga H. Maggi H var pínu fullur og boraði í nefið á einhverjum gaur og borðaði horið úr honum því hann hélt að þetta væri Sverrir Bergmann úr popptíví. Svo var bara einhvernveginn ekkert skemmtilegt í bænum þannig að ég, Andri og Sandra tókum okkur bara Taxi heim eitthvað um 4 leitið og þá var farið í háttinn.



Maggi H hérna á góðri stundu á Árshátíðinni...en fékk sér hor að éta í bænum á laugardeginum úr einhverjum gaur!!


Ég hef ekkert meira að segja í bili nema að endilega kíkjið í þetta blessaða partý sem Rikki G er að halda og vonandi fær maður að sjá ykkur sem flest. Og svo vil ég benda fólk á að ég er búinn að hlaða upp myndum frá Árshátíð FB inn hérna til hliðar......Nýjar myndir


Kveðja GummOn

:: Gummi Jónss þriðjudagur, mars 08, 2005 [+] :: |
...

::.Er í Árshátíðarskapi


Já það má nú segja bara að ég sé kominn í gott skap fyrir árshátíðina sem fer nú að nálgast. Ég er að farast hérna úr spenningi því ég veit að það verður ýkt gaman. Ég og Elvar ætlum að vera mjög Elvaðir á þessari árshátíð og ætlum við að byrja snemma og reyna að finna okkur morgunpartý. Ef það gengur ekki upp, þá ætla ég að halda eitt stykki morgunpartý heima hjá mér og byggja upp smá stemmara fyrir skemmtunina sem verður haldinn í skólanum klukkan 14:00. En í dag var fyrsti dagurinn í sæludögunum, það komu allir saman í íþróttahúsinu og Arndís (ædol stelpa frá því í fyrra) tók tvö lög sem var bara hmmm alltílagi. Svo fengu kennarnir að leika eitt stykki leikrit....eða Rauðhettu og úlfinn. Það var mjög fyndið að horfa á og mikið hlegið. Svo þegar þetta var búið fórum ég og Elvar í billjard.


Ég og Steffí frænka ætlum að verða eftir á föstudeginum þegar allir úr FB fara heim í Reykjavíkina. Við ætlum að heimsækja hana Önnu Björk frænku okkar, svo um kvöldið....þá förum við á ball hjá FSU, sem verður væntanlega mjög gaman að, þá vonandi hittir maður líka Odd eitthvað. En svo á laugardeginum þá ætla ég bara að bruna heim á bílnum mínum því Steffí ætlar að fara á bílnum mínum til Selfoss, og þá fer ég ío eitthvað 20 afmæli og þar sem ég verð líka mjög elvaður í. Ég veit ekki hvað er að verða um mig en ég held hreinlega að ég sé að verða einhver alki....en samt ekki :-D ........ 12.mars þá er búið að bjóða mér í afmæli til hans Rikka en það verður haldið á Opus og verður það væntanlega mjög gaman. Ég ætla að sjálfsögðu að mæta á það og gefa honum eitthvað fallegt :-D Svo deginum eftir er 13.mars eða Sunnudagur og þá er Árshátíð hjá vinnunni minni.....eða Sólon, Torvaldssen og Pravda. Það verður líka allsvaðalegt djamm og nóg um að drekka. Þegar það er búið þá ætla ég að HÆTTA að drekka.


Ég var að spila núna á sunnudaginn á móti Aftureldingu og við töpuðum leiknum með einu marki eða 22 - 23 í hörkuspennandi leik. Ég fann mig enganveginn í leiknum ekki fyrr en þegar 15 mín. voru eftir að leiknum. Ég átti 3 mörk í endan sem kom okkur í stöðuna 22 - 23. Við vorum nefnilega 7 mörkum undir í leiknum en náðum að koma okkur í leikinn aftur. Svo þegar 15 sek voru eftir þá brunuðum við í sókn einum fleirri og ég var að fara brjótast í gegn og þá var rifið aftan í mig og annar leikmaður fékk að rjúka útaf. Það voru 8 sek eftir og ég fékk boltann þegar 3 sek voru eftir og þurfti ég þá að skjóta en ég misnotaði færið. Þetta var ferlega súrt því okkur langaði svvvvoooooo að vinna. En svona er þetta nú bara, þetta var ekkert endilega mér að kenna....við getum bara sjálfum okkur um kennt að hafa verið svona lélegir allan leikinn.


Kveðja GummOn

:: Gummi Jónss þriðjudagur, mars 01, 2005 [+] :: |
...